थिन्कमराठी.कॉम सादर करत आहे , गोष्टींची मज्जा ….

नमस्कार , 

गावाकडच्या गोष्टी, पुराणातल्या गोष्टी , पंचतंत्रांतल्या गोष्टी , राजा राणीच्या गोष्टी , राक्षसाच्या , भुताच्या आणि बऱ्याच प्रकारच्या गोष्टी ज्या आपण आपल्या आजी आजोबांकडून ऐकल्या आहेत, थोड्या लक्षात आहेत , थोड्या विसरलो आहोत त्या आता आपल्या छोट्या दोस्तांपर्यंत पोहोचवायच्या आहेत . मोबाईलच्या जगातून बाहेर काढून त्यांचीही  आपल्या संस्कार , संस्कृती , शिकावण या साऱ्यांशी अलगद भेट घालून द्यायची आहे.  

म्हणूनच थिन्कमराठी सादर करत आहे या आगळा वेगळा उपक्रम – गोष्टींची मज्जा … 

आपल्या मुलांनीही मराठी वाचावं , त्यांचं मराठी ही  उत्तम असावं असं आजच्या पालकांना नक्कीच वाटत असेल. इंग्रजी माध्यमाच्या शाळांत शिकल्यावर मराठीचा गंध सुटत चालला आहे. पण असं न होता आपली मुळे घट्ट रोवून आपल्या मातृभाषेबरोबरच इतर भाषा उत्तम रीतीने बोलता , लिहिता , वाचता आल्या पाहिजेत असाच आमचाही  मानस आहे. 

 

थिन्कमराठी.कॉम तर्फे मागेही आम्ही एक स्पर्धा ठेवली होती , यावेळी हे स्पर्धेच्या स्वरूपात नसून आजी आजोबा, आत्या,  काका , मावशी, आई , बाबा  या सर्वाना एक आवाहन करत आहोत. तुमच्या पैकी जर कोणाला छान छान गोष्टी सांगता येत असतील तर त्यांनी गोष्ट सांगताना त्यांचा एखादा विडिओ , किंवा ऑडिओ आणि अगदीच सांगतानाच नको असेल तर लिहिलेली गोष्ट आम्हाला नक्की कळवा. 

तुमच्या गोष्टी नक्कीच  ज्यांना गोष्टी सांगायला कोणी नाही अशा मुलांना किंवा  ज्यांना कोणती गोष्ट सांगायची हा प्रश्न पडत असतो अशा पालकांसाठी नक्कीच एक छान पर्वणी ठरेल. 

 

थिन्कमराठीचा हा नवीन उपक्रम आपली संस्कृती , संस्कार, ठेवा , शिकवण  पुढच्या पिढीपर्यंत पोहोचवण्यासाठीचा एक छोटासा  प्रयत्न आहे.   

तुम्हाला जमलं ,आवडलं तर या उपक्रमात नक्की सहभागी व्हा ! 

तुमच्या गोष्टी विडिओ / ऑडिओ / लिखित स्वरूपात खाली दिलेल्या ई-मेल आयडी वर ई-मेल करा अथवा दिलेल्या नंबर वर व्हाट्स अँप करा :

 

email : thinkmarathi@gmail.com 

whatsapp : 8169825961