उत्तेजनार्थ पारितोषिक | मनातल्या कवितेचे पान -कुंदा पित्रे

मनातल्या कवितेचे पान

रचनाबंध — १-ल्या ओळीत -दोन शब्द
                 २-या ओळीत – तीन शब्द
                 ३-या ओळीत – दोन शब्द
                 ४ थ्या ओळीत – एक शब्द
दुस-या व तिस-या ओळीत यमक साधलेले आहे .

 ** कवितेचे नांव —मनातल्या कवितेचे पान**

   हळूवार जपते
  मनातल्या कवितेच्या पानांला
  भावनेच्या गाठोड्याला
   प्रेमाने—-१)

    सुगंधी क्षण
    गोंदले गेलेत मन:पटलावर
    बाल्यातील बागडण्यावर
    मायेचे—-२)

     स्मृति पटलावर
     मनांतील कविता उमटली
     तारूण्याच्या बहरातली
     प्रितीची—-३)

     आयुष्य बदलले
     कवितेच्या पानांने खुणावले
      सुखदु:ख सांगितले
      काव्यातून—४)

      अंतर्मन चालले
      मनाच्या आतले मन
       गुणगुणले बेभान
       शर्वरीसम—५)

       मनातली कविता
       रूजली,वाढली, फुलली
       साहित्यात रूळली
       सन्मानाने—-६)

       किर्तीवंत,यशवंत
       मनातल्या कवितेचे पान
        गंझाळले छान
        निशिगंधासम —७)

     – कवियत्री — कुंदा पित्रे
        मुंबई 
        उत्तेजनार्थ पारितोषिक (कविता)